Muzika

Bonjour à tous,

Voici donc une wallonnade…

Paroles : Théodore Chapelier, auteur wallon né en 1857
Musique : Désiré Herman
Une wallonnade est un « charmant petit poème tout plein de verve et de naïveté, tout imbibé du caractère des Belges ».


On dimègne di may’, li djintèye Nanète
Tot riv’nant d’grand’mèsse passa po les prés
Qwand èle vina d’vant l’håhai da Colète
Ele trova s’wèzin riant d’l’aute costé
C’est sèré, dist-i, ci n’est nin passèdje
Min si vo volez, dji tir’rè l’loquèt
So vo bèlès tchifes lèyiz-me prinde on bètche
Nos èstant tot seu, nouk ni nos veurè !

Rèspleu
Po passer l’håhai, binamèye Nanète
I fåt qu’vos m’payîze li dreût dè pasai
I fåt qu’vos m’båhîze deus fèyes à picette
Po passer l’håhai (Bis)

Li djône fèye div’na rodje come ine cressaute
Si wèzin Colète esteut bei valèt
Vos d’mandez, dist-èle, pus à mi qu’ås autes
Ci n’est nin c’prix-là, qu’mes wèzènes payèt
C’est qu’les fleurs, dist-i, di m’waide sont florèyes
Eles sèrît djalotes dè vèye vosse baité
Est dj’wadj’reu qu’po d’main èles sèrît fanèyes
Cåse des grossès låmes qu’èles årît djèté

Rèspleu
Po passer l’håhai, binamèye Nanète
I fåt qu’vos m’payîze li dreût dè pasai
I fåt qu’vos m’båhîze deus fèyes à picette
Po passer l’håhai (Bis)

Li djône ome pårléve d’ine si douce manîre
Divins ses bleus oûyes aveut tant d’amour
Qui l’roslante Nanète si lèyant st-adîre
Abrèssa l’capon deus fèyes di bon coûr
Et so ç’moumint-là dizo les cohètes
Tot les p’tits ouhais tchantît djoyeus’mint
Et Nanète vèya rire les mågriètes
Qwand Colète diha tot l’sèrans douç’mint :

Rèspleu
Riv’nez tos les djous, binamèye Nanète
Nos sûrans st-èssonle li vôye des pasai
Et nos nos båh’rans deus fèyes à picette
D’vant d’passer l’håhai ! (Bis)

Dj’a st’ètindou dire des djins dè vièdje
Qui qwand li djône cope ala st’a l’åté
Tote li ribambèle qu’esteût st-å mårièdje
Divant l’blanc håhai diva s’arèster
Es fond dè neûr bwès, l’råscignou tchantéve
Les fleurs si drovyît dzo l’båhes dè prétimps
Et c’èsteut Nanète ci djou-là qui d’hève :
On n’va nin pu lon sins m’diner m’påy’mint !

Rèspleu
Po passer l’håhai, d’héve li bèle Nanète
I fåt qu’vos payîze li dreût dè pasai
Et qu’on s’båhe turtos deus fèyes à picette
D’vant d’passer l’håhai ! (Bis)



---
Liptitmouni

:-D Marrant, mais je comprends tout !

Latin, français, wallon…, j'aime !

Bonne soirée, Fabie.




---
Liptitmouni

Normal, c'est du ch'ti !

---
C'est aymer saynement d'entreprendre à blesser et offencer pour proffiter.
Montaigne (Essais).

:oD Euh ? Nan, pas vraiment !